Su pentzamentu

Casi ca non fiasta
cument'a unu frori
bella che una rosa
de nostra sannora,
is trempas arrubias
che figu morisca
de bonas maneras
sempiri tranchera,
allirga e prexada
cumenti a una pasca.
inmui ca se crescia
e ti ses fata manna
non fueddhas cun nemus,
siddhada che sa balla,
non bogas unu musciu
mancu motta a corpus.
candu t'atrotoxant
s’arraxonamentu
ti pesas che un espi
bellu e su trumentu.
biada siat s’ora
chi t’as a cojai
isperendi in calincunu
de bona cuscientzia
e chi non bastessit
de meda passientzia
pero po prexeri,
po d’onnia sorpresa,
mi fetzat sciri
prima de s'impresa
cantu at a costai
totu custa ispesa.