mercoledì 4 agosto 2010

Su tempus

S'incrutzat d'onnia dì de u podhixedhu
e sa lantiedha tremit che una folla
alluta po s'amor'e s'amarolla
allugorendi a i scusi mericedhu

e cussu pentzamentu in su ciorbedhu
ti giogat su marranu in s'arragiolla
narendididha: “PESA A MALA BOLLA!
e curri sata sata a peinconedhu.”

Si incrubat'a su sobi conca a basciu
po nci cabai in su spron'e Monti Mannu
e nemus ti dh'iat nau candu ses nasciu

ca dh'acabasta setzit'u ndu scannu
aposentau, e da sa musca pasciu,
fintzas'a disigiai s'urtimu dannu.

Nessun commento: