Foricu Mandas

Dh' interrant a merì, Foricu Mandas,

funt is pinnicas de is coranta tiaus

cun totu is birroncinus incungiaus

chi ndi dh'ànt sùspiu s'ànima e is mudandas.

Pagus fuëdhus, non babiàt domandas,

candu Foricu dhus portàt furriaus

incumentzàt cu is brebus raddopiaus,

bobànt is santus cun tot' is arrandas.

Passada chi dhi fiat totu sa tzarra

po is atrus si pretziat a s'abisongiu

poita portàt su coru che una cuarra.

No s'at lassau manc'unu testimongiu,

incarrerau in du mori, chentza barra,

sin c'est andau po is festas de s'atòngiu.